ശ്രദ്ധ, അവളാണെൻ സ്ത്രീ സങ്കല്‍പം
ശ്രദ്ധ, അവളാണെൻ മാതൃക...!!
മാന്തളിരിന്‍റെ നിറം, മാന്‍പേടയുടെ മിഴികൾ
ഭാവങ്ങള്‍ മാറി മാറി വിളങ്ങുന്ന മുഖം
കണ്ണുകളില്‍ നാട്യലാസ്യം...
ചുണ്ടിലെ പുഞ്ചിരി ഉള്ളിലെ പ്രസന്നതപോൽ
പാല്പ്പായസത്തെക്കാള്‍ മധുരം വശ്യം വാക്കുകൾ
മഴയെക്കാള്‍ ആര്‍ദ്രം സ്പര്‍ശനം, സ്നിഗ്ദം
മഞ്ഞുതുള്ളിപോൽ....
കണ്ണുകളിലൊളിക്കും മനം മയക്കും പുഞ്ചിരി
മതിഭ്രമിപ്പിക്കുന്ന സുഗന്ധം അരികിൽ വരുമ്പോൾ
ഈറന്‍ മുടിതുമ്പിൽ ഇറുത്തു വച്ചൊരു തുളസീ
ദളങ്ങളും, തൂവെള്ള നെറ്റിയിലലിഞ്ഞു ചേര്‍ന്ന
ഭസ്മക്കുറിയും..
ശാന്തം സ്നിഗ്ദം ആകാരം
പാദങ്ങളില്‍ വെള്ളി പാദസരം
പതിയെ ചിരിക്കും വളകളാ കൈകളിൽ
കരിമണി മുത്തുകള്‍ കഴുത്തോടൊട്ടി കിടക്കുന്നു
കരിമഷിയാ കണ്‍കളില്‍ വജ്രമാകുന്നു...
ഇവള്‍ ശ്രദ്ധ..
പരാതികളില്ലാതെ പരിഭവങ്ങളില്ലാതെ
എന്‍റെ ലോകത്തില്‍ പുഞ്ചിരി പൊഴിക്കുന്ന പെണ്‍കുട്ടി
ഇവള്‍ ശ്രദ്ധ..
താളത്തിനൊപ്പമാടി മനസ്സിനെപ്പോലും തളയ്ക്കുന്ന
മായാജാലക്കാരി; എനിക്ക് ചുറ്റും മാരിവില്‍
തെളിയ്ക്കും വര്‍ണ്ണ പ്രഭാവം
പതിയെ ചിരിക്കുമ്പോള്‍ വിടരും
കുറുമൊഴി പോലിവള്‍...
ഒരുവാക്ക് മൊഴിയുമ്പോള്‍
കുറുകും പ്രാവ് പോലിവള്‍...
നൃത്തമാടുമ്പോള്‍ മയൂരമിവൾ...
അകലെനിന്നു നോക്കികാണുവാന്‍ ഏറെ
ഇഷ്ടം എനിക്കിവളെ...
അരികില്‍ വരുമ്പോൾ കവിത ചൊല്ലുവാൻ
ഏറെയിഷ്ടമിവളെക്കുറിച്ച്.
No comments:
Post a Comment