എനിക്കൊരു സ്വര്‍ഗമുണ്ടായിരുന്നു.

ഋതുക്കള്‍ക്കനുസരിച്ചു തളിരിടുന്ന

വിടരുന്ന, പൂത്തുലയുന്ന,

ജീവിതങ്ങളെന്‍റെ മുന്‍പിലുണ്ടായിരുന്നു.

ആ ജീവിതങ്ങള്‍ക്ക് താളവും ശ്രുതിയുമുണ്ടായിരുന്നു

സ്വപ്നങ്ങളും അഭിലാഷങ്ങളുമുണ്ടായിരുന്നു...

കരയുവാന്‍ ചിരിക്കുവാൻ ഒത്തുകൂടാൻ

പങ്കുവയ്ക്കാന്‍ ത്യജിക്കുവാന്‍ അറിയുന്ന-

മനസ്സുണ്ടായിരുന്നു......

പിന്നെ എപ്പോഴോ..

കാരണങ്ങളൊന്നുമില്ലാതെ

ഞാനകന്നു..എല്ലാത്തില്‍ നിന്നും ,

തിരിച്ചുനടക്കുവാന്‍ ആകാത്ത വിധം....!!!